मुंबई Share Market Closing Today : आठवड्याच्या शेवटच्या सत्रात देशांतर्गत शेअर बाजार तेजीत राहिला. बीएसई सेन्सेक्स 504.86 अंकांनी वाढून 78,493.54 अंकांवर बंद झाला. त्याचप्रमाणे, एनएसई निफ्टी देखील 156.8 अंकांनी वाढून 24,353.55 अंकांवर स्थिरावला. एकूण, अंदाजे 2906 शेअर्समध्ये वाढ झाली, 1233 शेअर्समध्ये घट झाली आणि 152 शेअर्स स्थिर राहिले.

हेही वाचा : नाशिक प्रकरणात नवा ट्विस्ट; TCS कंपनीची फरार HR निदा खान

सर्व क्षेत्रीय निर्देशांक तेजीत बंद :

निफ्टी मिडकॅप निर्देशांक 1.2 टक्क्यांनी वाढला, तर स्मॉलकॅप निर्देशांक 1.5 टक्क्यांनी वाढला. सर्व क्षेत्रीय निर्देशांक तेजीत बंद झाले, ज्यात एफएमसीजी, मीडिया, मेटल्स, तेल आणि वायू, वीज, भांडवली वस्तू, ग्राहक टिकाऊ वस्तू आणि ऊर्जा क्षेत्रांनी 1 ते 2 टक्क्यांची वाढ नोंदवली. निफ्टीमधील प्रमुख वाढलेल्या शेअर्समध्ये एचयूएल, नेस्ले, जेएसडब्ल्यू स्टील, पॉवर ग्रिड कॉर्प आणि अपोलो हॉस्पिटल्स यांचा समावेश होता, तर घसरलेल्या शेअर्समध्ये विप्रो, एचडीएफसी लाइफ, सन फार्मा, एल अँड टी आणि एम अँड एम यांचा समावेश होता.

रुपया डॉलरच्या तुलनेत मजबूत :

शुक्रवारी भारतीय रुपया अमेरिकी डॉलरच्या तुलनेत 29 पैशांनी मजबूत होऊन 92.85 (तात्पुरता) वर बंद झाला. अमेरिकी चलनाचं अवमूल्यन, कच्च्या तेलाच्या घसरत्या किमती, तसंच भू-राजकीय तणाव कमी होण्याच्या अपेक्षेमुळं रुपया शुक्रवारी अमेरिकी डॉलरच्या तुलनेत 29 पैशांनी मजबूत होऊन 92.85 (तात्पुरता) वर बंद झाला. परकीय चलन व्यापाऱ्यांनी सांगितलं की, देशांतर्गत शेअर बाजारात खरेदी पुन्हा सुरु झाल्याने आणि परदेशी निधीच्या नवीन ओघामुळं स्थानिक चलनास आधार मिळाला.

आंतरबँक परकीय चलन बाजारात, रुपया 92.93 वर उघडला आणि दिवसाच्या व्यवहारादरम्यान अमेरिकी डॉलरच्या तुलनेत 92.65 चा उच्चांक गाठला. 92.98 चा नीचांक गाठल्यानंतर, तो अमेरिकी डॉलरच्या तुलनेत 92.85 (तात्पुरता) वर बंद झाला, जो त्याच्या मागील बंद भावापेक्षा 29 पैशांनी अधिक होता. गुरुवारी रुपया 19 पैशांनी मजबूत होऊन अमेरिकन डॉलरच्या तुलनेत 93.14 वर बंद झाला होता.