Baramati: बारामती विमानतळावर प्रशिक्षण विमानाचा अपघात झाल्याची प्राथमिक माहिती समोर आली आहे.

बारामती विमानतळावर (Baramati Airport) आज ०९ ऑगस्ट रोजी दुपारी १२.३० च्या सुमारास पुन्हा एकदा प्रशिक्षण (Training Aircraft) विमानाला अपघात (Baramati Plane Crash)  झाल्याची प्राथमिक माहिती समोर आली आहे. लँडिंग करत असताना विमान रनवेवरून घसरल्याचं सांगितलं जात आहे.

हेही वाचा: रायगडमध्ये राज ठाकरेंचा सरकारवर हल्लाबोल; ‘तिसरी मुंबई’वर सवाल, म्हणाले- ‘जमिनी विकू नका’

या घटनेनंतर विमानतळ परिसरात एकच खळबळ उडाली. अपघात नेमका कोणत्या कारणामुळे झाला, याबाबत अधिकृत माहिती अद्याप समोर आलेली नाही. दरम्यान, बारामतीत यापूर्वीही विमान अपघातांच्या घटना घडल्या आहेत. Aircraft News

२८ जानेवारी २०२६ रोजी अजित पवार यांचं विमान कोसळून दुर्घटना झाली होती. त्यानंतर मे महिन्यात प्रशिक्षण विमानाचा अपघात झाला होता. त्यामुळे बारामतीतील विमान सुरक्षेचा मुद्दा पुन्हा चर्चेत आला आहे.

या घटनेनंतर विमानतळ परिसरात खळबळ उडाली असून, अपघातात नेमके किती जण जखमी झाले आहेत, याबाबतची माहिती अद्याप स्पष्ट झालेली नाही.

सुनेत्रा पवार यांनी फोनवरून घेतली दुर्घटनेची माहिती

दरम्यान, या दुर्घटनेची माहिती उपमुख्यमंत्री सुनेत्रा पवार यांनी फोनवरून घेतली आहे. त्या संबंधित अधिकाऱ्यांच्या सातत्याने संपर्कात असून, अपघाताची परिस्थिती आणि बचावकार्याबाबत माहिती घेत आहेत. विमान अपघाताचं नेमकं कारण काय, तसेच विमानातील प्रवासी किंवा प्रशिक्षणार्थींची स्थिती काय आहे, याबाबत अधिकृत माहितीची प्रतीक्षा आहे.