Donald Trump Sensational Claim | अमेरिकेचे राष्ट्राध्यक्ष डोनाल्ड ट्रम्प (Doland Trump) हे नेहमीच त्यांच्या वक्तव्यांमुळे चर्चेत असतात. आताही त्यांनी एक असा दावा केला आहे ज्याने सगळीकडे खळबळ उडाली आहे. “जर वेळेवर मी हस्तक्षेप केला नसता, तर पाकिस्तानच्या पंतप्रधानांना (Pakistani Prime Minister) आपला जीव गमवावा लागला असता”, असं खळबळजनक वक्तव्य डोनाल्ड ट्रम्प यांनी केलं आहे.

हेही वाचा – नेपाळमध्ये मोठा अपघात; नदीत बस कोसळून 18 प्रवाशांचा मृत्यू

काय म्हणाले डोनाल्ड ट्रम्प?

डोनाल्ड ट्रम्प यांनी अमेरिकन संसदेत (US Parliament) भाषण केलं. त्यांनी दिलेल्या आपल्या ‘स्टेट ऑफ द यूनियन 2026’ (State Of The Union 2026) या भाषणामध्ये मोठा दावा केला. यादरम्यान त्यांनी भारत-पाकिस्तान युद्धाबाबत (India-Pakistan War) भाष्य केलं. भारत आणि पाकिस्तान हे दोन्ही देश अण्वस्त्र उंबरठ्यावर होते. पण मी केलेल्या हस्तक्षेपामुळे हे युद्ध थांबलं आणि तब्बल साडेतीन कोटी लोकांचे प्राण वाचले, असं ट्रम्प म्हणाले.

पुढे ट्रम्प म्हणाले की, मी भारत-पाकिस्तान या दोन्ही देशांना 200 टक्के आयात शुल्काची धमकी दिली होती. जर दोन्ही देशांनी युद्ध थांबवले नाही तर तुमच्यासोबत होणारा सर्व व्यापार बंद करू, असा दम भरल्यानंतरच भारत आणि पाकिस्तानने दुसऱ्या दिवशी युद्धविराम जाहीर केला होता.

युद्धादरम्यान दोन्ही देशांनी एकमेकांची अनेक लढाऊ विमाने पाडली होती. त्यामुळे ही परिस्थिती अण्वस्त्र युद्धाच्या उंबरठ्यावर होती, असंही ट्रम्प यांनी म्हटलं आहे.

ट्रम्प यांच्या दाव्यावर भारताची भूमिका काय?

ट्रम्प यांनी केलेला मध्यस्थीचा दावा भारतानं फेटाळून लावला आहे. भारत-पाकिस्तान युद्धादरम्यान दोन्ही देशांच्या लष्करी संचालन महासंचालकांनी थेट चर्चा करत हे युद्ध थांबवलं होतं. तसेच पाकिस्तान असो किंवा काश्मीर असो यासंबंधित कोणाताही विषय हा द्विपक्षीय असून यामध्ये तिसऱ्या पक्षाच्या मध्यस्थीची गरज नाही, असं भारत देशानं सांगितलं होतं. तरी देखील ट्रम्प हे भारत आणि पाकिस्तान युद्धाबाबत दावे करतच आहेत, असं भारताच्या परराष्ट्र मंत्रालयानं स्पष्ट केलं आहे.