Mumbai Pune Expressway: मुंबई–पुणे एक्स्प्रेसवेवरील मिसिंग लिंक सुरू होऊन अवघे दोन महिने होत नाहीत तोच परिसरात स्लॅब कोसळल्याची घटना समोर आली आहे. या घटनेमागचं नेमकं कारण काय, पाहूया.

सतत कोसळणाऱ्या मुसळधार पावसामुळे मुंबई- पुणे द्रुतगती मार्गावरील (Mumbai Pune Expressway) मिसिंग लिंक प्रकल्प (Missing Link project) परिसरात मोठी दुर्घटना घडली आहे. प्रवेशद्वाराजवळील संरचनेचा एक स्लॅब कोसळल्याने त्या भागातील वाहतूक विस्कळीत झाली असून प्रशासनाने वाहनचालकांना अनावश्यक प्रवास टाळण्याचा सल्ला दिला आहे.

हेही क्लिक करा: 20 कोटींची आमदाराला ऑफर, राऊतांचा दावा लिंगाडे नावाचा आमदार कोण आहे? त्यांनाच का ऑफर?

लोणावळा आणि आसपासच्या घाट परिसरात

लोणावळा आणि आसपासच्या घाट परिसरात गेल्या काही दिवसांपासून जोरदार पाऊस सुरू आहे. यामुळे डोंगरकड्यांवरून माती आणि दगड घसरून रस्त्यावर येत असल्याने सुरक्षेच्या कारणास्तव वाहतूक नियंत्रित करण्यात आली आहे. काही ठिकाणी वाहनांच्या लांबच लांब रांगा लागल्या आहे. त्यामुळे दोन्ही बाजूच्या वाहतूक थांबण्यात आली.

परिस्थिती लक्षात घेऊन मुंबईकडे जाणारी वाहतूक उर्से टोलनाक्याजवळ थांबवण्यात आली आहे. महामार्ग पोलिस आणि संबंधित यंत्रणा घटनास्थळी तैनात असून मार्ग सुरक्षित करण्याचे काम सुरू आहे.

दरम्यान, खोपोली परिसरातील पाताळगंगा नदीची पाणीपातळी वाढल्याने नदीकाठच्या काही भागांमध्ये पाणी शिरल्याची माहिती समोर आली आहे. तसेच एक्स्प्रेसवेवरील काही सेवा केंद्रांमध्येही पावसाचे पाणी साचल्यामुळे नागरिकांना अडचणींचा सामना करावा लागत आहे.

प्रशासनाचे नागरिकांना आवाहन

सद्यस्थितीत मुसळधार पाऊस आणि दरड कोसळण्याचा धोका कायम असल्याने मुंबई–पुणे द्रुतगती मार्ग तसेच जुना मुंबई–पुणे महामार्ग वापरणे टाळावे, असे प्रशासनाने स्पष्ट केले आहे. गरजच असल्याशिवाय प्रवास करू नये आणि प्रवास करावाच लागल्यास वाहतूक पोलिस व प्रशासनाकडून जारी करण्यात येणाऱ्या अधिकृत सूचनांचे पालन करणे आवश्यक आहे, असे आवाहन करण्यात आले आहे.

यंत्रणांकडून परिस्थितीवर सातत्याने लक्ष ठेवले जात असून पावसाचा जोर कमी झाल्यानंतर मार्गावरील स्थितीचा आढावा घेऊन पुढील निर्णय जाहीर केला जाणार आहे.