Abhijit Dipke Bail :  आंदोलनादरम्यान झालेल्या घडामोडींनंतर पोलिसांनी केलेली कारवाई आणि त्यानंतर सुरू झालेल्या कायदेशीर प्रक्रियेकडे अनेकांचे लक्ष लागले होते. आता जामीन मंजूर झाल्याच्या वृत्तामुळे या प्रकरणाला नवे वळण मिळाले आहे. मात्र, सशर्त जामीन म्हणजे संबंधित प्रकरणातून पूर्णपणे निर्दोष मुक्तता नव्हे. जामिनाच्या अटींचे पालन करणे आणि न्यायालयीन प्रक्रियेला सहकार्य करणे आवश्यक असते.  शांतता राखण्याच्या अटीचा नेमका अर्थ, त्याची व्याप्ती आणि अटींचे उल्लंघन झाल्यास होणारी संभाव्य कायदेशीर कारवाई याबाबत अधिकृत आदेशातील तपशील महत्त्वाचा ठरेल.

‘लहरा दो तिरंगा’ आंदोलनाच्या पार्श्वभूमीवर दिल्ली पोलिसांनी ताब्यात घेतलेल्या कॉक्रोच जनता पार्टीचे (CJP) संस्थापक अभिजित दीपके यांना शनिवारी, १७ ऑक्टोबर रोजी सशर्त जामीन मंजूर करण्यात आला. विशेष कार्यकारी दंडाधिकारी न्यायालयाने त्यांची सुटका करण्यासाठी ५० हजार रुपयांच्या जामीन बॉण्डची अट घातली. तसेच पुढील एक वर्ष शांतता राखण्याचे आणि चांगले वर्तन ठेवण्याचे आश्वासन देण्यास सांगितल्याचे वृत्त आहे.

‘लहरा दो तिरंगा’ आंदोलनापूर्वी पोलिसांची कारवाई

दिल्लीतील कनॉट प्लेस परिसरात CJP कडून ‘लहरा दो तिरंगा’ आंदोलन आयोजित करण्यात आले होते. या आंदोलनात सहभागी होण्यासाठी अभिजित दीपके शुक्रवारी, १६ ऑक्टोबर रोजी निघाले असताना दिल्ली पोलिसांनी त्यांना ताब्यात घेतले. आंदोलनासंदर्भात पोलिसांनी आधीच नोटीस दिली होती. मात्र,आंदोलनाच्या भूमिकेवर ते ठाम राहिल्यामुळे त्याच्यावर प्रतिबंधात्मक कारवाई करण्यात आले. यापूर्वी १० ऑक्टोबर रोजीही दीपके यांना ताब्यात घेण्यात आले होते. त्यावेळी त्यांच्याकडून एक वर्ष शांतता राखण्याचा बॉण्ड भरून घेण्यात आला होता. त्यानंतर पुन्हा आंदोलनात सहभागी होण्याच्या तयारीत असताना त्यांना ताब्यात घेतल्याने प्रकरणाला नवे वळण मिळाले.

हेही वाचा :  CJP ला मुंबईत आंदोलनाची परवानगी नाकारली! तरीही ‘जेल भरो’चा इशारा; भाजपचा प्लॅन फेल झाला?

शनिवारी दीपके यांना विशेष कार्यकारी दंडाधिकारी न्यायालयासमोर हजर करण्यात आले. त्यानंतर त्यांना अटींसह जामीन मंजूर करण्यात आला. सुटकेसाठी ५० हजार रुपयांचा जामीन बॉण्ड (50000 bond) भरणे आणि पुढील एक वर्ष शांतता राखण्याचे आश्वासन देणे आवश्यक आहे. (conditional)  या प्रकरणात भारतीय नागरिक सुरक्षा संहिता (BNSS) मधील कलम १२६ आणि १७० अंतर्गत प्रतिबंधात्मक कारवाई करण्यात आल्याचे वृत्त आहे. या तरतुदींचा उद्देश संभाव्य शांतताभंग रोखणे हा आहे. जामीन मिळाल्यानंतर दीपके यांची सुटका (bail) करण्यात आली.

CJP च्या आंदोलनाकडे देशाचे लक्ष

CJP कडून ‘लहरा दो तिरंगा’ अभियानाच्या माध्यमातून आंदोलन सुरू करण्यात आले आहे. पक्षाच्या नेत्यांवर झालेल्या कारवाईच्या निषेधार्थ आणि आंदोलनाच्या भूमिकेला पाठिंबा देण्यासाठी विविध ठिकाणी तिरंगा रॅलींचे आयोजन करण्यात आल्याचे वृत्त आहे. दरम्यान, अभिजित दीपके यांच्या जामिनामुळे त्यांना तात्पुरता दिलासा मिळाला असला, तरी वर्षभर शांतता राखण्याची अट (Peace Condition) आणि पुढील कायदेशीर प्रक्रिया याकडे लक्ष लागले आहे. जामिनाच्या आदेशातील सर्व अटींचा तपशील उपलब्ध झाल्यानंतर प्रकरणाची अधिक स्पष्ट माहिती समोर येऊ शकते.

हेही वाचा :  जंतरमंतरवरील अटकेचे मुंबईत पडसाद! आझाद मैदानात आज CJPचे ‘लहरा दो तिरंगा’ आंदोलन