Elvish Yadav | ‘बिग बॉस ओटीटी 2’ चा विजेता आणि सोशल मीडिया स्टार एल्विश यादव (Elvish Yadav) सध्या चांगलाच चर्चेत आला आहे. एल्विश यादवला जीवे मारण्याची धमकी (Death Threat) देण्यात आली आहे. सोबतच 10 कोटी रूपयांची खंडणीची मागणी देखील करण्यात आली आहे. त्यामुळे सध्या एल्विश यादव हा चर्चेत आला असून त्याला जीवे मारण्याची धमकी देण्यात आल्यानंतर सोशल मीडियावर एकच खळबळ उडाली आहे.
हेही वाचा – डोळ्यांत आनंदाश्रू… थलपती विजय CM होताच त्रिशा झाली भावुक? व्हिडीओ तुफान व्हायरल
एल्विश यादवला नेमकी कोणी दिली धमकी?
एल्विश यादवला आणि त्याच्या वडिलांना एका परदेशी नंबरवरून फोन आला होता आणि त्यांना या नंबरवरून तब्बल 10 कोटी रूपयांची खंडणी मागण्यात आली आहे. सोबत जीवे मारण्याची धमकी देखील देण्यात आली आहे. एल्विशला एक धमकीचा मेसेज देखील आला आहे. दोन दिवसांमध्ये 10 कोटी रूपये दे नाहीतर जीव मारू, अशी धमकी त्याला देण्यात आली आहे. धमकीचा हा मेसेज मिळाल्यानंतर एल्विशने हरियाणातील गुरूग्राम येथील पोलीस ठाण्यात तक्रार दाखल केली आहे. तर या प्रकरणी पोलिसांनी तक्रार दाखल केली असून पोलीस या प्रकरणाचा कसून तपास करत आहेत.
View this post on Instagram
पोलिसांनी दिलेल्या माहितीनुसार, एल्विश यादवला एका परदेशी नंबरवरून व्हॉट्सअॅप कॉल आला होता. तो कॉल एल्विशने उचलला नाही, त्यानंतर त्याला व्हॉट्सअॅपवर एक मेसेज आला. या मेसेजमध्ये त्याला 10 कोटी रूपयांची खंडणी मागण्यात आली आहे. तसेच एल्विशने दिलेल्या तक्रारीनुसार, त्याला मेसेज करणाऱ्याने स्वत:ची ओळख लॉरेन्स बिश्नोई गँगचा सदस्य रणदीप मलिक असल्याची करून दिली. तसेच एल्विश सोबत त्याच्या वडिलांना देखील मेसेज करण्यात आला होता. ज्यामध्ये दोन दिवसांमध्ये पैसे द्या नाहीतर गोळ्या घालून ठार करू, अशी धमकी देण्यात आली आहे.
एल्विशला धमकी मिळाल्यानंतर सोशल मीडियावर एकच खळबळ उडाली आहे. तसेच त्याच्या चाहत्यांमध्ये चिंतेचे वातावरण निर्माण झाले आहे. तर सध्या पोलीस या प्रकरणाचा तपास करत असून आरोपींचा शोध घेत आहेत.
