Khavdya Dongar Tragedy: छत्रपती संभाजीनगरमधील खवड्या डोंगरावर हृदयद्रावक घटना घडली. मुलाला वाचवण्यासाठी गेलेल्या वडिलांचा दरीत पडून मृत्यू झाला, तर त्यानंतर आईचाही दुर्दैवी अंत झाला. या दुर्घटनेत एकाच कुटुंबातील आई- वडील आणि मुलाचा मृत्यू झाल्याने परिसरात हळहळ व्यक्त होत आहे.

छत्रपती संभाजीनगरमध्ये (Chhatrapati Sambhajinagar) घडलेल्या हृदयद्रावक घटनेने संपूर्ण परिसर हादरला आहे. वाळूज परिसरातील खवड्या डोंगरांवर एकाच कुटुंबातील तिघांचा दरीत पडून दुर्दैवी मृत्यू झाला. मृतांमध्ये १८ वर्षीय कुणाल चांदवडे, त्याचे वडील मुरलीधर चांदवडे आणि आई संगीता चांदवडे यांचा समावेश आहे. या घटनेनंतर देवळाई-सातारा परिसरात शोककळा पसरली आहे.

मिळालेल्या प्राथमिक माहितीनुसार, कुणाल डोंगरावर गेल्याची माहिती त्याच्या कुटुंबीयांना (Family Death) आणि स्थानिक नागरिकांना मिळाली होती. त्यानंतर त्याला रोखण्यासाठी आणि सुरक्षितपणे खाली आणण्यासाठी प्रयत्न सुरू झाले. या प्रयत्नांदरम्यान परिस्थिती अचानक बिघडली आणि कुणाल व त्याचे वडील मुरलीधर दोघेही डोंगराच्या कड्यावरून खाली पडल्याची माहिती समोर आली आहे.

ही घटना पाहिल्यानंतर संगीत चांदवडे यांनीही टोकाचे पाऊल उचलायचे प्राथमिक माहितीतून समोर येत आहे. त्या देखील डोंगरावरून खाली पडल्या. या दुर्घटनेत तिघांचाही मृत्यू झाला.

हेही वाचा: पंटर पाठवला, खातरजमा केली अन् थेट छापा; अकलूदच्या कुंटणखान्यावर पोलिसांचा दणका!

पोलिसांना आधीच मिळाली होती माहिती

कुणाल डोंगरावर (Khavdya mountain accident) असल्याची माहिती मिळाल्यानंतर पोलीस आणि स्थानिक नागरिक घटनास्थळी पोहोचले होते. कुणालला सुरक्षितपणे परत आणण्यासाठी प्रयत्न सुरू असतानाच ही दुर्दैवी घटना घडली. पोलिसांनी घटनास्थळी पोहोचून पुढील कार्यवाही सुरू केली.

नेमकं कारण काय?

कुणालने हे टोकाचे पाऊल का उचलण्याचा प्रयत्न केला, याचे नेमके कारण अद्याप स्पष्ट झालेले नाही. कौटुंबिक, वैयक्तिक किंवा अन्य कोणत्या कारणातून ही परिस्थिती निर्माण झाली होती का, याचा तपास पोलीस करत आहेत. घटनेशी संबंधित व्यक्तींची माहिती आणि परिस्थितीचा तपास केल्यानंतरच संपूर्ण चित्र स्पष्ट होणार आहे.

परिसरात हळहळ

एका कुटुंबातील तिन्ही सदस्यांचा अशा प्रकारे दुर्दैवी अंत झाल्याने परिसरात मोठी हळहळ व्यक्त होत आहे. चांदवडे कुटुंबावर अचानक कोसळलेल्या या संकटामुळे नातेवाईक, मित्र आणि स्थानिक नागरिकांमध्ये शोकाचे वातावरण आहे. या प्रकरणाचा पुढील तपास पोलिसांकडून सुरू आहे.