Water Fasting Risks: वॉटर फास्टिंगच्या नावाखाली शरीर डिटॉक्स करणे सध्या ट्रेंडमध्ये आहे, पण तज्ज्ञांचे म्हणणे आहे की डॉक्टरांच्या देखरेखीशिवाय हे धोकादायक ठरू शकते. चला जाणून घेऊयात याचे करणे आणि सुरक्षित उपाय.

आजकाल वजन कमी करण्यासाठी आणि शरीर शुद्ध ठेवण्यासाठी वॉटर फास्टिंग (फक्त पाणी पिणे) लोकांमध्ये लोकप्रिय होत आहे. सोशल मीडियावर हे हेल्थ ट्रेंड म्हणून दाखवले जाते, पण तज्ज्ञांचे मत आहे की डॉक्टरांच्या देखरेखीशिवाय केलेले वॉटर फास्टिंग शरीरासाठी धोकादायक ठरू शकते.

हेही वाचा: एप्रिलमध्ये या ४ प्रमुख ग्रहांची गोचर; जाणून घ्या राशींवर काय परिणाम होणार

सुरुवातीला वजन कमी होताना दिसते, परंतु दीर्घकालीन फायदा नसतो आणि थकवा, डिहायड्रेशन, इलेक्ट्रोलाइट असंतुलन यांसारख्या गंभीर समस्या उद्भवू शकतात.

कोणासाठी जास्त धोकादायक?

टाइप १ डायबिटीज असलेले लोक
आधीच कुपोषित किंवा कमी वजन असलेले लोक
नुकतेच वजन कमी झाले असेल किंवा नियमित औषध घेत असलेले लोक
तज्ज्ञांचे म्हणणे आहे की, अशा लोकांसाठी वॉटर फास्टिंग हा मोठा धोका ठरतो आणि तो प्रयोग करण्यायोग्य नाही.

शरीरावर काय परिणाम होतात?

पहिल्या १-३ दिवसांत, शरीरातील ग्लायकोजेन कमी होते आणि शरीरातील पाण्याचे वजन कमी होते.

हळूहळू शरीर केटोसिसमध्ये प्रवेश करते, ज्यामुळे स्नायूंची झीज होते.

इलेक्ट्रोलाइट्सचे संतुलन बिघडते.

वजन कमी झाल्यावर स्नायूंची झीज होते.

सुरुवातीला इन्सुलिन संवेदनशीलता कमी होऊ शकते, पण नंतर त्यात सुधारणा होते.

कोणत्या समस्या होऊ शकतात?

सतत थकवा, डोकेदुखी आणि चक्कर येणे.

शरीरात युरिक ॲसिड वाढणे