Kolhapur Crime News: कोल्हापुरातील २३ वर्षीय तरुणीचं लग्न १२ नोव्हेंबर रोजी होणार होतं. मात्र, लग्नाआधी प्रियकराला शेवटचं भेटायला गेलेल्या तरुणीचा दुर्दैवी मृत्यू झाला. नाईकवाडी धबधब्याजवळील सुमारे २५० फूट खोल दरीत पडून तिचा मृत्यू झाल्याची माहिती समोर आली आहे. या घटनेमुळे परिसरात खळबळ उडाली असून, तरुणीच्या मृत्यूमागचं नेमकं कारण काय, याबाबत प्रश्न उपस्थित होत आहेत.
Kolhapur Crime News Naikwadi Waterfall Case: साडेपाच वर्षांचं प्रेम, लग्नाची तारीख ठरली अन् अचानक घडली काळजाचा थरकाप उडवणारी घटना! १२ नोव्हेंबरला लग्नबंधनात अडकणार असलेल्या २३ वर्षीय तरुणीचा नाईकवाडी धबधब्याजवळील ( Naikwadi Waterfall Case) खोल दरीत मृत्यू झाला. प्रेयसीने आत्महत्या केल्याचा दावा करणाऱ्या प्रियकराच्या कथेत पोलिसांना संशयास्पद बाबी आढळल्या. त्यानंतर दोघांच्या मोबाईलमधील व्हॉट्सॲप चॅट (WhatsApp Chat) तपासाच्या केंद्रस्थानी आली. या चॅटमध्ये नेमकं काय दडलं होतं? शेवटच्या भेटीत काय घडलं आणि या प्रकरणाला कोणतं धक्कादायक वळण मिळालं? जाणून घेऊया संपूर्ण घटनाक्रम
हेही वाचा: पोस्ट ऑफिसची भन्नाट बचत योजना! फक्त ₹१०० पासून सुरुवात, वर्षभरानंतर कर्जही मिळणार
नेमकं प्रकरण काय?
कोल्हापूर जिल्ह्यातील गारगोटी परिसरात राहणाऱ्या २३ वर्षीय तरुणीचे आणि तिच्या घरासमोर राहणाऱ्या श्रीपाद दिनकर वडर या २५ वर्षीय तरुणाने गेल्या साडेपाच वर्षांपासून प्रेमसंबंध असल्याची माहिती समोर आली आहे. दोघेही एकमेकांना ओळखत होते त्यांच्या जवळचे संबंध होते. (Kolhapur Police Investigation)
दरम्यान, तरुणीच्या कुटूंबियांनी तिचे लग्न दुसऱ्या तरुणाशी ठरवले. येत्या १२ नोव्हेंबरला २०२६ रोजी तिचा विवाह होणार असल्याचे सांगितले जात आहे. कुटुंबियांच्या इच्छेनुसार तरुणीने या लग्नाला होकार दिल्यानंतर तिचे आणि श्रीपादच्या संबंध तणावपूर्ण झाले. तरुणी त्याच्यापासून दूर राहण्याचा प्रयत्न करत होती, तर तिचे दुसरीकडे लग्न ठरल्याने श्रीपाद अस्वस्थ असल्याचा आरोप आहे. (Maharashtra Breaking News)
९ ऑक्टोबरला नाईकवाडी धबधब्यावर नेमकं काय घडलं?
९ ऑक्टोबर रोजी श्रीपादने तरुणीशी संपर्क साधून तिला शेवटची भेट घेण्यासाठी बोलावल्याचे सांगितले जाते. त्यानंतर दोघेही भुदरगड तालुक्यातील नाईकवाडी धबधबा परिसरात गेले. (Latest Crime News)
या ठिकाणी दोघांमध्ये वाद झाल्याचा संशय तपासादरम्यान व्यक्त करण्यात आला. याच वादातून श्रीपादने तरुणीला खोल दरीत ढकलल्याचा आरोप आहे. या घटनेत तरुणीचा मृत्यू झाला.
घटनेनंतर श्रीपाद स्वतः पोलिसांकडे गेला. त्याने दोघांनी एकत्र आत्महत्या करण्याचे ठरवले होते; मात्र आपण धाडस करू शकलो नाही आणि तरुणीने दरीत उडी मारली, असा दावा केल्याची माहिती समोर आली.
२५० फूट खोल दरीतून मृतदेह बाहेर
घटनेची माहिती मिळाल्यानंतर पोलिसांनी घटनास्थळी धाव घेतली. रात्रीच्या वेळी खोल दरीत बचावकार्य करणे कठीण असल्याने दुसऱ्या दिवशी बचाव पथकाची मदत घेण्यात आली. सुमारे २५० फूट खोल दरीतून तरुणीचा मृतदेह बाहेर काढण्यासाठी बचाव पथकाला काही तास प्रयत्न करावे लागले.
या घटनेनंतर पोलिसांनी सुरुवातीला अकस्मात मृत्यूची नोंद करून तपास सुरू केला. मात्र, तरुणीचा मृत्यू नेमका कसा झाला, याबाबत संशय निर्माण झाल्याने पोलिसांनी श्रीपादच्या जबाबाची पडताळणी सुरू केली.
प्रियकराच्या जबाबात विसंगती
पोलिसांच्या चौकशीदरम्यान श्रीपादने घटनेबाबत वेगवेगळे दावे केल्याचे सांगितले जाते. सुरुवातीला तरुणीने आत्महत्या केल्याचे सांगितल्यानंतर दोघांनी एकत्र जीव देण्याचे ठरवले होते, असा दावा त्याने केल्याची माहिती आहे.
या कथनातील विसंगती लक्षात घेऊन पोलिसांनी दोघांचे मोबाईल फोन तपासले. त्यातील व्हॉट्सॲप संभाषण तपासासाठी महत्त्वाचे ठरल्याचे वृत्त आहे. या संदेशांमधून दोघांमधील संबंध, तरुणीच्या लग्नाचा विषय आणि त्यांच्यातील तणाव यासंदर्भातील माहिती मिळाल्याचे सांगितले जाते.
या डिजिटल पुराव्यांच्या आधारे पोलिसांनी घटनेच्या पार्श्वभूमीची अधिक तपासणी केली. तरुणीने स्वतःहून दरीत उडी मारली की तिला ढकलण्यात आले, या प्रश्नाचा तपासासाठी पुरावे महत्त्वाचे ठरले.
प्रेमसंबंधाचा शेवट दुर्दैवी
साडेपाच वर्षांपासून प्रेमसंबंधात असलेल्या तरुणीचा मृत्यू झाल्याने गारगोटी परिसरात खळबळ उडाली. या घटनेनंतर आरोपीवर कठोर कारवाई करावी आणि खटला जलदगती न्यायालयात चालवावा, अशी मागणी नागरिकांकडून करण्यात आल्याचे वृत्त आहे.
प्रेमसंबंध, लग्नाचा निर्णय आणि त्यातून निर्माण झालेला तणाव यांची परिणती एका तरुणीच्या मृत्यूत झाल्याने या घटनेची चर्चा सुरू आहे. मात्र, या प्रकरणातील आरोप, पोलिसांकडून गोळा करण्यात आलेले पुरावे आणि न्यायालयीन प्रक्रियेतून सिद्ध होणारे तथ्य यांत फरक ठेवणे आवश्यक आहे.
